---

	شفت الهدهدي) الخالدي قال شفت الهدهـدي مـن مطـارهشــــــمّــــــر جــــنــــاحــــه وطـــــــــــــار ولا معـي ريـش ذي باطيـر والحـق بثـارهمــــــــــــا بــــلــــحــــق الا الــــغــــبـــــار وحــدي تركـنـي وانــا ويــاه كـنـا سـيـارهمـــــن حـــيـــث مــــــا ســــــرت ســــــار قهر الفتـى بـن محمـد يالهـا مـن خسـارهراح الـــــشـــــقــــــى والـــــضـــــمــــــار والمـال كـلـه ســرح والفـائـده والتـجـارهبـــــــــعـــــــــده وضـــــــــاعــــــــــه ودار ليته طرحني ولو خاتم على اصبع يسارهوالا بــــــــــجــــــــــيــــــــــبــــــــــه زرار او ليت خلّي معـي بالجيـب باكـت سجـارهبـــاســــيــــه حــــــيــــــث اســــتــــخــــار بالله يـا ريـح عـابـر لــو سمحـتـي بـغـارهفـــــــــــــي لــــــيـــــــل والا نــــــهـــــــار جيبي لنـا مـن حبيـب الـروح حتـى امـارهويــــــــن اخــتـــفـــى ويــــــــن ســــــــار والا خذيـنـي مـعـش لاعـنـد خـلّـي زيــارهحــــــتــــــى اشــــــوفــــــه جــــــهـــــــار ما واجب ابقى محاصـر او هنـا بانتظـارهفــــــــــــارض عــــلــــيــــا حــــــصــــــار باقـول للخـل لحظـه لـو برمـش الاشــارهيـــــابــــــو الـــعــــيــــون الــــســــمــــار ويلـك مــن الله قطـعـت الكـبـد والـمـرارهواحــــــرقــــــت قــــلــــبــــي بــــــنـــــــار لاتـتـرك القـلـب يتـعـذب ويـحــرق بـنــارهبــــــعــــــدك ويــــصــــبــــح دمــــــــــــار ارحـم اسيـرك ومـن قـدم الـيـك اعـتـذارهســــــألــــــك بــــــحــــــق الــــــجــــــوار والعيش والملح وبحق النسب والصهارهطــــــــــــــــف اللهب والــــــــشـــــــــرار بادر بوصلك على المسكين قبـل انهيـارهكـــــــــــم ذي نــصـــحـــتـــك مـــــــــــرار مـا بالمحبـه حبيـبـي محـذقـه او شـطـارهولا مــــــــــلامــــــــــه وعــــــــــــــــــــار سقـاه مـن يـوم باشوفـك وبعطـي بـشـارهوالــــــقــــــي لأجــــــلــــــك مــــــــــــزار وابنـي لأجلـك بقلـبـي وا حبيـبـي عـمـارهوقـــــــــصـــــــــر عـــــــــالــــــــــي ودار عسى يعـود النظـر والخيـر بعـد المطـارهنــــــــــــزرع ونــــحــــصــــد ثــــــمــــــار

	كحيل العين) يقول الخالدي فوج النسيم ابـــرد *** على مهلك ترود يا كحيل العين نفح عطر الشمطري والقصاع النــد *** وطير السعد غرّد والضبى ردين ورد الصوت يا ناسع جعيد اســود *** وشجع بن محمد لا بدع حرفيـن بقلبي من فراقك نار تتوقـــــد *** ودمع العين ورّد جرّح الخديـن ومن هجرك مكاني احن واتنهــد*** وفي حلقه مقيد حُمّه الرجليـــن غلط يا صاحبي هذا الجفاء والصــد *** لمه قلبك معقد ما السبب يهويـن بظرف اسبوع من الاثنين الى الاحد *** تواعدني وتجحد عثت في وعدين متى ما جيت باشوفك وبتفــــقد *** على الوعد المحدد قلت لا بعدين هداك الله كم عذبت ابو مخلـــد *** ولا لك أي مقصد او سلف او دين ظلمت الناس وانته رأس حيد انجـد *** تخذ حقك وزايد بطش باليديــن كفاني منعك اعدل حمّلك قلــــد *** من السجن المؤبد فك بن حمدين كفى ما حل بي منك ولا ذا الحــد *** ومن عندي تأكد ما افرقك يا زين

	(حقي من الدنيا معي) الخالدي حقي من الدنيا معـــــــــــــي *** حيّا حياة الموت لو جاني بذه الساعـــــــــة لا انا مداعي حد ولا لي مندعــــــــي *** سلّمت ذي عندي وذي لي جات بالطاعـــــة سقى مراعي كنت فيها برتعـــــــــــي *** زمان كان الواد لي والحيد والقاعـــــــــــة ايام كان القلب سالي مولعــــــــــــــي *** مثل السويسي لا طلع رأس الجبل زاعــــة واليوم رك العقل والرأس اصوعــــي *** والصيد ذي بالحيد شاعف مني اصداعــــة حمل الثقل ذي كنت اشله باصبعـــــي ***عندي صعيب اليوم نزّاله وطلاعــــــــــــــة يهناش يا نوب العسل ذي تشرعـــــي *** نبغى عسل جردان ذي تجنيه باشراعــــــــة قلنا لنفس الويل توبي واقنعـــــــــــــي *** خلّي حبوب الليم والعمبا لزرّاعـــــــــــــة كلي من الحاصل ومن ذي تزرعــــي ***صفّي حسابش لا تكوني نفس طمّاعـــــــــة كوني معي واقع كما انا واقعــــــــــي *** وتحت امري طايعه للامر منطاعـــــــــــة لا تحنبي وآتحنبيـــــــــــن اليافعـــــي *** فوق المكاوي ذي طرحتيها على اضلاعــة شوفي طريق السهل ذي به تجزعـــي ***فيها وحي من نمار الحيد واسباعـــــــــــــة صلّي على الحاضر وجوعي واشبعي *** سوقي وسوقش قد نقضنا سقف واسواعــة والمال ذي شفتي بسوق الملذعـــــــي *** لا تسألي من ورّده للسوق او باعــــــــــــة

---

	(هجرني) هجرني حبيبي ليش ولـــي ***هجرني وأنا ما أريد هجـــــــره طرحني لوحدي في محلـي ***فرقني وأنا طايع لأمــــــــــــره سلبني نهب روحي وعقلـي ***وأشعل بقلبي نار جمـــــــــــره متى أشوف محبوبي وخلي ***مرادي من المحبوب نظـــــــره أنا ملك له كلّي بكلّــــــــــي ***حبيبي عسى الله طال عمـــــره تمنيت وصله لو سمح لـــي ***كفاية بألسنه لو جاد مــــــــــره إذا الله جمع شمله بشملــــي ***بيطفي لهب جوفي وحــــــــره متى القاك يا كاذي وفلــــي ***وباسيك فوق الرأس زهـــــــره وبا افضلك عن جملة اهلي ***وبعطي جمالك حق قــــــــــدره وباكون لك عابد مصلـــــي ***وخاضع بلا ميزه وكبــــــــــره تذكر لمعروفي وجملــــــي ***وخلص اسيرك ذي بأســـــــره هويتك وانا بايام جهلــــــي ***تجرعت بعدك كل مُـــــــــــــره ولازلت راضي لك بقتلـــي ***ملقي لك المملوك نحــــــــــره اذا كنت لم تسمح لاجلـــــي ***وتعتق اسيرك ذي بأســـــــــره مسامح حبيبي وانت مثلـــي ***اذا لك رضى باموت حســـــره تكلم صراحه خير قلّــــــــي ***كفى الكذب من بكره لبكـــــره

(روائح عجيب)




ألخالدي قال شايف هز لي فوج لزيـــــــــب *** واجب روائح عجيــــب
شم الشمطري وريح العطر من كل مضرب *** وارياح كاذي وطيـــــب
سلّى على قلبي المنضاق وأمسيت معقـــــب *** حطيت بعض التعيــــب
طفّيت جمره من المكريب ذي كان يلهـــــب *** وخف حر اللهيـــــــــب
شفت الطريق الصعيبه والبعيد اقرب اقـرب *** ماباقي الا شضيــــــــب
مالي أمل غير في وصل الحبيب المقـــــرب *** أفضل وأكرم حبيـــــب
حبيب حبيت قربه إنما الوصل يصعــــــــب *** كم لي هليب الهليــــــب
ما نلت قصدي ولا قلبي بلق أي مطلــــــــب *** على ألرقابه رقيـــــــب
وحيل جردان ذي يهواه قلبي ويرغــــــــــب *** القرب منه صعيـــــــب
من حول جبح العسل حنشان ضامي وعقرب *** مسموم تقطب قطيــــب
أيضا وحراس تمسي زام بأعلى مرتــــــــب *** على العنب والزبيـــــب
أربع وعشرين ساعة ما ربع ساعة تذهــــب *** ولا دقيقة تغيـــــــــــــب
من حيث مادرت شفت الجوا كله مكهـــــرب *** والقاع حامي كريــــب
ما حيلتي ياحبيب أرجوك تشفق بمن حـــــب *** ارحم متيم غريــــــــب
اعطف علينا بعطفك والرضاء قبل تغضـــب *** اسمح بوصلك قريـــــب
يكفيك ما حل بي من باطلك وأنت تعجـــــــب *** جار التعب ياحبيـــــب
حرّمت نومي وطعم العيش لا آكل ولا اشرب *** تمسي دموعي خصيب
ولا مع العين بعدك أي فائدة ومكســــــــــــب *** غير البكاء والنحيــــب
هل تسمح اهتان من أجلك وأبقى معــــــــذب *** وأنت الحبيب الطبيــب
ما أظن يسمح ضميرك وأنت أكرم وأطيــــب *** عندي واقرب حبيــــب
لي في وصالك أمل من حيث أنا فيك معجــب *** ارجوا عسى لايخيــب
مازلت ساهن وراجي وصلك أسرع واقــرب *** لو لي بوصلك نصيـب

	كلمات شاعرنا الكبير الراحل شايف محمد الخالدي اسير الحب يا من على يدك عذابي لا تعذبني كثيـــــــر=أنقذ اسير الحب ذي مازال في حبك أسيــــــــــر أسير رمشات العيون السود والخد المنيـــر=ذي حرقت كبدي وقلبي منها اصبح قريـــــــــــر ارحم متيم بات بعدك يذرف الدمع الغزيـــر=مغرم بحبك بعد ما جرعته المر المريـــــــــــــر قلبي معك والروح عندك راقب الله ياخبيــر=حسيت روحي راح من بعدك ونفسي با تطيــــر وفوق ذا مازلت راجي والامل لي بك كبيـر=راجي تخلصني وتنقذني من الامر الخطيـــــــر انا الذي ضحيت من اجلك وابذلت الكثيـــــر=اطعمتك الحالي ولبستك من انواع الحريـــــــر انا الذي عارضت من اجلك وخليتك تسيــــر=امام خصمك والمسيره من يمينك واليســــــــير وانا الذي وليتك السلطه ورشحتك اميــــــــر=كبير طلاتك وعادك بالعمر جاهل صغيـــــــــر واليوم باتحكم علي الاعدام هذا ما يســــــــير=ما يسمح المعروف ذي بيني وبينك والضمـــير ما واجب انك با تعاقبني كخاين او اجــــــــير=من بعد متنازلت لك من فوق عرشي والسرير سالك بمن زين جمالك يا هلي مالك نظيـــــــر=اشفق بروحي فبل يذهب يسر الامر العســـير اصبحت من اجلك معذب في لظى نار السعير=وانت السبب ما حل فيني بالبدايه والاخيـــــر

	-----------------------------2--------------------------- هذه قالها في السجن أيضا عندما وصله خبر بأن قاضي المحكمة قد أصدر الحكم بإدانته قبل استكمال الاستجواب ,,,, فقال ,, يالمحكمة كم تحسبي ضدي نقاط ----------------------------- وكم عدد وقفات جيتش متهم واشواط مسرع تسرع بالخبر صاحب حباط ----------------------------- أطلق علينا المدفعية والرصاص امشاط ليته توسل خمس حبات احتياط ----------------------------- لما يجي (مقفع وعبدالله خضر ملقاط) دونه * موتي لي زواجة لاشباط ----------------------------- ايد شهادة اب لابنه والبقايا افراط ---- دونه = يبدو أنه ليته صبر قد عاد رجلي بالرباط ----------------------------- لما يصفي من هو الرسام والخطاط ماحد بيستسلم لضربات السياط ----------------------------- ولايلقـّي منحره للجز بالمقراط خلوا حسن يمتط لاشي به مطاط ----------------------------- ( والمشألي ) يعمد طرف ولاّ يقع وسّـاط هم ذي أرادوا بايملوني حماط ----------------------------- وبايخلوا وجه ابو لوزه نقط واشخاط قلنا لهم سيروا دلا فوق الصراط ----------------------------- ماشي معاكم فايده بالكذب والسلباط -- السلباط = التلفيق لاحد يحط الشوك لي فوق البساط ----------------------------- ولايلقـّط من حجار القاع لي لقـّاط ذا سوق بيع ارواح ماشي به سفاط ----------------------------- لكنها غرتهم السلة ملاها انواط والآن عاد الجرح باقي والخياط ----------------------------- لما يقولوا صح ولا عاد له خيـّاط وانا مكاني داخل الغرفة حطاط ----------------------------- لما يفك القيد لي والمربط الرباط ولاّ يقولون استعد ياجنبلاط ----------------------------- احسب وجمل كم عدد شيعه معك واقباط والله اسف ماعاد لي اية نشاط ----------------------------- ما لو مزرمم بايملي بو لوز مخاط ----------------------------------- حسن والمشألي = مسؤلو الشرطة والمباحث ----- صاحب حباط = قاضي المحكمة نسبة لقريته حُـباط

ــــــــــــــــــــــــــــــــــــــــــــــــــ ـــــــــــــ